Risultati di "Ravindra Gujar" in Tutte le categorie

अतिसौजन्य आणि भिडस्तपणा हे गुण नसून माणसाचे शत्रू आहेत. त्यामुळे प्रसंगी प्राणाशीही गाठ पडू शकते. आध्यात्मिक क्षेत्रातल्या एका पाद्रीची तशा स्वभावामुळे काय अवस्था होते, हे पाहून हसता हसता आपल्या डोळ्यांत पाणी येईल. त्यातून धडा घेतला तरच ठीक नाही तर आपल्यावरही तशी वेळ कधी येईल, सांगता येत नाही. ऐका, 'सौजन्याचा बळी' ही स्टीफन लीकॉकलिखित, रविंद्र गुर्जर यांनी अनुवादित केलेली कथा दीप्ती सिधये यांच्यासह.

मरणोत्तर जीवन अस्तित्वात आहे का? यावर सदैव वादविवाद होत असतात. काहींनी त्यावर प्रचंड संशोधनही केले आहे. ज्यांना त्याचा प्रत्यक्ष अनुभव येतो, त्यांना विश्वास ठेवावाच लागतो, ज्यांच्याकडून गुन्हे घडतात, त्यांना योग्य ती शिक्षा देण्यासाठी आपल्याकडे न्यायालये आहेत, पण खून झालेली एखादी व्यक्ती पुढील योनीमधून त्याचा सूड घेऊ शकते का? बघूया. भुताची जबानी या जॉन लँगच्या कथेतून दीप्ती सिधये यांच्यासह.

ही एक अत्यंत सुंदर कथा आहे. मानवी जन्मात काही ना काही प्राप्त करण्यासाठी धडपड सतत चालू असते. एकदा एक परी — एका माणसाकडे पाच भेटवस्तू घेऊन येेते. प्रसिद्धी, प्रेम, संपत्ती, सुख आणि मृत्यू. त्याला त्यातल्या एकाचीच निवड करण्याचे स्वातंत्र्य असते. तो माणूस त्यापैकी कशाची निवड करतो आणि त्याच्या पदरी आनंद येतो की दु: ख? चला, ऐकुया — मार्क ट्वेनची एक अफलातून कथा- गौरी लागू यांच्या आवाजात!

न्यूयॉर्कमध्ये बालपण घालवलेले दोन जिवलग मित्र ऐन तारुण्यामध्ये एकमेकांपासून दूर होतात. एक जण नशीब आजमावण्यासाठी पश्चिमेकडे जातो. दुसरा मात्र त्याच शहरात पोलीस खात्यात दाखल होतो. त्यावेळी त्यांच्यात एक अलिखित करार होतो. बरोबर वीस वर्षांनी कुठल्याही परिस्थितीत नियोजित ठिकाणी भेटायचंच. त्याप्रमाणे पोलीस अधिकारी त्याच जागी हजर होतो. वेळ संपत चाललेली असते. दरम्यान एका अट्टल गुन्हेगाराला पकडण्याची जबाबदारी त्याच्यावर येते. योगायोगाने त्याचा हा मित्रच तो गुन्हेगार असतो.