Risultati di "Edicións Fervenza" in Tutte le categorie

Experiencias propias da autora para falar con propiedade da ansiedade e da depresión. Para iso, hai que estar mergullado nese pozo, todo o demais son teorías e opinións que, en esencia, non serven para nada. Primeiro, porque tenden a ridiculizar e subestimar estas doenzas da alma e, segundo...

Loucine destaca polo gran traballo na caracterización dos personaxes nunha historia que atrapa pola intriga e que é quen de reflectir, con notable habelencia, unha sinfonía de soidades na que todos os seres deste relato atopan o seu lugar no mundo. Obra gañadora do VIII Concurso Balbino de Relatos.

Obra de teatro na que, a modo de sátira, se trata unha das tradicións máis galegas, a matanza do porco, pero neste caso, dun xeito singular que virará nunha relación fraternal. Os tempos mudan moi de présa. Mais, as tradicións, co seu paso xeracional, seguen o seu curso con precisa lentitude e fidelidade, algo que vai chocar de fronte coas leis nada subxectivas, máis ben totalmente obxectivas, da Administración.

Gumes entre a néboa é a obra gañadora do VI Concurso Balbino de Relatos na que, ao longo de seis historias, asistimos á loita das forzas do ben e do mal no devir de todos os personaxes, tomando como escenario esa Galiza rural na que o "ollo por ollo" era a máxima de xustiza. Cunha acción dos relatos encadrada pola figura protagonista do afiador, este conxunto de historias son claro exemplo deses contos da tradición oral nos que a vinganza se traduce na única arma de xustiza.

Conto infantil no que as nenas e nenos descubrirán a importancia da reciclaxe a través dunha renovada visión, usando esas historias de reis e raíñas, de mundos fantásticos que, nesta obra, se mesturan con elementos do noso entorno, convertendo en protagonistas a botas, gotas e mochilas. Trátase de inculcar ou dar unha segunda vida a aquilo que xa non é útil para o seu propósito inicial pero que permite manter vivo o noso mundo, a fermosa lagoa, pero cun transfondo que vai moito máis alá na creación e consolidación da personalidade e educación da infancia.