Ragnhildur Anna Kjartansdóttir sagnfræðingur og skjalavörður á Þjóðskjalasafni Íslands ræðir við Guðnýju Hallgrímsdóttur sagnfræðing.

Guðný hefur um langt skeið stundað rannsóknir á lífi kvenna á 18. öld og í þættinum ræðir hún meðal annars um það hvernig áhugi hennar á viðfangsefninu kviknaði, rannsóknavinnuna og þær heimildir sem varpa ljósi á stöðu kvenna á þessum tíma.

Í þættinum er meðal annars fjallað um þær áskoranir sem fylgja því að vinna úr þeim takmörkuðu heimildum sem konur á þessum tíma skildu eftir sig, hvað skjölin geta sagt okkur um daglegt líf þeirra, stöðu og samfélagslegt hlutverk.

Símon Sverrisson ræðir við Ólaf Valdimar Ómarsson skjalavörð á Þjóðskjalasafni Íslands um dularfullt andlát Kristmanns Jónssonar árið 1881.

Kristmann Jónsson, gullsmiður, fannst látinn við Draugatjörn árið 1881. Hann hafði verið í skemmtiferð á Hellisheiði í byrjun ágústmánaðar. Misvísandi framburður samferðafólks hans og sönnunargögn sem fuku út í veður og vind gera málið allt hið undarlegasta. Hvað gerðist við Draugatjörn — og hvers vegna var aldrei hægt að komast að endanlegri niðurstöðu?

Hér má lesa umfjöllun Ólafs Valdimars Ómarssonar frá því í október 2023

Hér má skoða stafræna endurgerð af rannsóknarbók Jóns landsritara

Helgi Biering ræðir við dr. Erlu Dóris Halldórsdóttur um bók hennar Berklar á Íslandi.

Berklaveiki var mikið mein í íslensku samfélagi og var dánartíðni berklasjúklinga hér á landi meðal þeirra hæstu í Evrópu. Veikin lagðist einkum þungt á ungt fólk og voru ungar konur í meirihluta þeirra sem létust af völdum hennar.

Í þættinum er farið yfir sögu berkla á Íslandi, afleiðingar veikinnar og baráttuna gegn þessum ömurlega sjúkdómi.