In de 29. Stremel van hör Podcast "Up Keierpadden" snacken Benita Brunnert un Imke Schwarz mit Tanja Haase ut Hermannsburg. Tanja kennt sük mit Physiotherapie genauso good ut as mit Ernährung - se hett u.a. mit Imke Schwarz dat Format "Pottkiekers dröfft dat" erfunnen. Hier koken Jung un Old tosamen - allns "up Platt"! Butendem weet Tanja ´n Bült över Zöliakie un helpt anner Lüü in´n Gruppe, daarmit beter klar to komen.

Benita Brunnert un Imke Schwarz sünd ditmal mit´n Multitalent "up Keierpadden" unnerwegens: Annie Heger. Se is Sängerin, Moderatorin, Autorin, Predigerin, Entertainerin un noch so vööl mehr - up Hoch un up Platt. Annie Heger vertellt, wat hör de Gloov bedüden deit, proot´t open över hör Krankheit un daaröver, warüm sük dat lohnt, luut to seggen, wat man denkt.

In de 27. Folge van hör Podcast "Up Keierpadden" snacken Benita Brunnert un Imke Schwarz mit Johannes Buhr. De heet nich bloot so, de is ok Buur un brengt Schoolkinner up´n Hoff in de Lüneburger Heid bi, wo man Höhner foort, Tuffels plant un de Swienstall utmist. Dat een of anner Word up Platt lehren de Kinner denn blangenbi - Johannes kennt sük ok mit Spraaken ut un hett u.a. mit plattdüütsch Theater up de Bühn stahn.

Imke Schwarz un Benita Brunnert kieken in hör egen Leben torügg un snacken daaröver, wat för Leeder för hör wichtig sünd un weern. Van Reinhard Mey över Fleetwood Mac bit hen to´n Speelmannszug - höör mal rin!

De 25. Folge van "Up Keierpadden" is ruut! Imke Schwarz un Benita Brunnert snacken mit "Plattfluencerin" Lisa Wrogemann över hör Reisen mit "Lissy", Heemat un Fernweh, Meditation up Platt und de Winter in Island.

In de 24. Folge van hör Podcast sünd Imke Schwarz un Benita Brunnert nich mehr an´t Keiern, nee, se danzen! Mit Danzmesterke Kerstin de Vries ut Ostfreesland wagen se sük up´t Parkett. Dat dreiht sük üm de Danz in den Mai, de neje Trends in Danzscholen, Tango in d´Kark un waarüm sük dat doch lohnt, de egen Keerl to´n Danzkurs to överreden.

De 23. Folg van de Podcast "Up Keierpadden" kummt an´n Karfreedag (oder ok "Still Freedag") ruut. Een besünner Dag bald an´n Enn van de Fastentied. Benita Brunnert un Imke Schwarz snacken daaröver, waarup se verzichten köönt, verzicht hebbt un waar man de Blick an Still Freedag up utrichten kann.

Se nöömt sük "Ballerdutje" up social media un is bekannt dör de Podcast "Party, Platt un Plüschmors": Hilka Jeworrek is ditmal mit Imke Schwarz un Benita Brunnert up Keierpadden unnerwegens. Snackt word över social media, Kunst up Platt un´n Bruutpoor, dat villicht gar kien is. Rinhören!