SPIELANALYSE GCZ VS LUG | PUNKTGWÜNN CHURZ VOR SCHLUSS! | GC AMICITIA ZÜRI NACH ÜBER 20 JAHR WIEDER IM CUPFINAL! | SÄCHSFOIF #243
Impossibile aggiungere al carrello
Rimozione dalla Lista desideri non riuscita.
Non è stato possibile aggiungere il titolo alla Libreria
Non è stato possibile seguire il Podcast
Esecuzione del comando Non seguire più non riuscita
SPIELANALYSE GCZ VS LUG | PUNKTGWÜNN CHURZ VOR SCHLUSS! | GC AMICITIA ZÜRI NACH ÜBER 20 JAHR WIEDER IM CUPFINAL! | SÄCHSFOIF #243
-
Letto da:
-
Di:
A proposito di questo titolo
GC Amicitia Züri staht zum erste Mal sit de Fusion vo ZMC Amicitia Züri und GC Züri Handball im Cup-Final! Mit eme starche 27:20-Sieg gege d Spono Eagles sichered sich d Zürcherinne am Samstigabig de Finalihzug und treffed det uf de amtierendi Meister LC Brühl Handball. Jetzt bruchts eus GCZ-Fans: Gmeinsam gömmer am 22. Februar uf Winterthur an Cupfinal für de Stadtclub us Züri! Tickets sind abem Mittwuch, 4. Februar 2026 verfüegbar.
De GCZ trennt sich im Letzigrund 1:1 vom FC Lugano. D Tessiner sind vo Afang ah die spielbestimmendi Mannschaft, hännd sehr viel Ballbsitz und mached Druck, doch d Zürcher chönnd sich uf en überragende Justin Hammel im Goal verlah. Im GCZ-Podcast Sächsfoif reded de Stephan und de Dario intensiv über s Spiel und über de GC Züri-Goalie wo über sich ussewachst.
Offensiv bringt euse Grasshopper Club Züri ih de erschte Halbziit lang chuum öppis z stand. Lugano isch dominant, aber z wenig konsequent vorem Goal, so gahts mit eme 0:0 i d Pause.
Au nach em Sitewächsel hätt Lugano meh vom Spiel und chunnt ih de 62. Minute verdient zu de Füehrig: Nach eme schnäll usgfüehrte Freistoss schiebt de Renato Steffen zum 0:1 ih. Lugano hätt de Vorsprung nachher chönne usbaue, verpasst aber mehreri gueti Chance.
Ih de Schlussphase bäumt sich GC Züri nomal uf, wird muetiger und üebt Druck uus. Und dä wird belohnt: Ih de 85. Minute trifft de 21-jährigi Samuel Krasniqi mit sim erschte Super-League-Goal zum viel umjublete 1:1-Usgliich. Churz vor Schluss gseht de Tessiner Mahmoud nach VAR-Entscheid no Rot, doch am Resultat änderet sich nüüt meh. Unterem Strich es grächts Unentschiede: Lugano isch über langi Phase besser, Züri zeigt Moral und holt sich mit ere starche Schlussphase en wichtige Punkt im Letzigrund.
Du bisch no keis Mitglied vo de GC Züri Fuessball Sektion? Denn chasch dich jetzt unter dem Link ahmelde.
Nöd vergesse: Folg em Instagram-Kanal vom GCZ-Podcast Sächsfoif, zum kei Neuigkeite z verpasse, rund um euse Herzensclub!
Viel Spass und Hopp GCZ!
#DeEchtiStadtclub #FirstClubInTown #GCIschZüri