Les Fartures copertina

Les Fartures

Les Fartures

Di: Les Fartures
Ascolta gratuitamente

A proposito di questo titolo

 Les Fartures ñaz como blogue gastronómicu en 2007, un sitiu onde David Castañón percuerre los restoranes asturianos y fala d’ellos, siempres dende una perspeutiva cercana y positiva (en Les Fartures namás aconseyamos restoranes onde dir, non los sitios onde nun dir). A los 10 años, esti trabayu s’axuntó nuna guía gastronómica colos meyores restoranes, n’asturianu y en castellán, que foi un ésitu de ventes, y tamién el puxu definitivu pa Les Fartures. Dende entós, Les Fartures, amás d’aconseyar restoranes, medró nun sitiu onde asoleyar productos asturianos y lluchar pola so presencia na sociedá asturiana. Ya empezó a facer Les Farturrutes, rutes curties, la mayor parte pa tolos públicos, qu’acaben nun chigre, munchos dellos abondo desconocíos pa la mayor parte de la población asturiana y que nel próximu mes va salir a la venta nun nuevu llibru con una esbilla d’elles. Les Fartures (lesfartures.com) tien más de 30000 siguidores nes sos redes sociales. Esta filosofía, de dar a conocer nuevos sitios onde comer n’Asturies, y, a la vegada, aquellos que lleven munchos años pero, irónicamente, siguen siendo desconocíos n’Asturies, ye la que queremos llevar al programa de radiu “Les Fartures”. Un proyeutu onde l’Asturies más tradicional y la más cimera convivan n’andecha para dignificar la gastronomía asturiana. Onde miremos más allá de la fabada ya’l cachopu, y amosemos la bayura gastronómica de los productos d’Asturies, dende’l mar a la montaña, dende oriente, hasta la fastera occidental.© 2026 Les Fartures Arte Cucina Enogastronomia
Episodi
  • Les Males Crítiques del Abrelatas - Entremeses Repunantes con Sara Ceballos

    Les Males Crítiques del Abrelatas - Entremeses Repunantes con Sara Ceballos
    Apr 20 2026
    Comenzamos el programa con Borja Alcázar del Abrelatas, que vien a la radiu a falanos de les males crítiques que reciben los restaurantes nes redes sociales. Un tema polémicu nel que vas acabar llorando de risa por cuenta dalguna crítica qu'arrecibió Borja. Acabamos el programa con Sara Ceballos que vien colos sos Entremeses Repunantes. Falaremos d'OTEA, de llambionaes de Selmana Santa y de si somos más de bocartes o de sardines.
    Mostra di più Mostra meno
    1 ora
  • Umami - Marcos Cienfuegos con IXP Choscu de Tinéu

    Umami - Marcos Cienfuegos con IXP Choscu de Tinéu
    Apr 20 2026
    Comenzamos el programa falando con Bea y Dani, Umami. Dos hermanos que ya lleven 9 años al frente del únicu teppanyaky d'Asturies. Cocina xaponés, con toque de plancha, saliéndose de los tópicos del país y cola posibilidá d'acompañalo de bebíes sorprendentes, ya inclusive cócteles. Acabamos el programa con Marcos Cienfuegos, que vien acompañáu d'Elena Gómez, presidenta de la IXP Choscu de Tinéu. Vamos falar con ellos del choscu, al que-y lleven años dándo-y un bon emburrión, pero qu'aínda sigue siendo abondo desconocíu pa munchos y munches asturianes.
    Mostra di più Mostra meno
    55 min
  • 3 Guisanderes Falando de Cocina: Luci de La Tabernilla de Oviedo, Mirta de El Torneiro y Mariali de El Verano

    3 Guisanderes Falando de Cocina: Luci de La Tabernilla de Oviedo, Mirta de El Torneiro y Mariali de El Verano
    Apr 12 2026
    Güei vamos falar con 3 muyeres enllenes de talentu y remangu, con Luci de La Tabernilla de Oviedo, con Mirta de El Torneiro, y con Mariali, de El Verano. Centru, Occidente y Oriente nun mesmu programa, 3 guisanderes, amás de les más moces, que vienen con una nueva visión sobre la gastronomía. Vamos falar de guisar, de la muyer na gastronomía y va cuntanos dalguna sorpresina que tienen ente manes.
    Mostra di più Mostra meno
    55 min
Ancora nessuna recensione