Episodi

  • Informativos Radio Estrada

    Informativos Radio Estrada
    Oct 30 2026
    Ás portas de Todos os Santos e do Día de Defuntos, o Samaín volve cobrar protagonismo nas parroquias da Estrada cun amplo programa de actividades para todas as idades. Neste informativo repasamos as celebracións previstas para a fin de semana e facemos balance doutras citas culturais e sociais da comarca. Ademais, falamos da denuncia por unha presunta suplantación de identidade sufrida polo párroco José Antonio Ortigueira, do informe técnico recibido polo Concello sobre os proxectos eólicos Nesa Monte Arca Norte e Sur e do remate das obras de asfaltado en Couso. Tamén abordamos o debate municipal sobre o cambio de nome das rúas Calvo Sotelo e IRYDA, as axudas concedidas pola Xunta a Acapaf e Agadea, a oferta de emprego da Fundación de Exposicións para a Feira de Antigüidades e os cambios na programación cultural debido aos días de loito oficial. No apartado do Samaín, contamos o aprazamento do desfile organizado por ACOE, así como as distintas actividades que se desenvolverán nas parroquias estradenses durante estes días. Ademais, achegámonos ao curso de Danza do Entroido da Ulla promovido pola asociación A Xesteira de Couso e á chegada do programa «Circo no Camiño» á Estrada. Nas comarcas, falamos do novo aparcadoiro habilitado en Silleda xunto ao cemiterio de Santa Eulalia, da homenaxe da Fundación Xosé Neira Vilas ao autor de Memorias dun neno labrego e da andaina que unirá A Bandeira con Ponte Ulla. ⚽ Nos deportes, previa completa da fin de semana co encontro do CD Estradense fronte ao Alondras CF, a despedida internacional do culturista Miguel Pereira Pola e a participación de cinco atletas estradenses nunha competición en Lugo xunto a deportistas olímpicos e medallistas internacionais.
    Mostra di più Mostra meno
    41 min
  • Informativos Radio Estrada

    Informativos Radio Estrada
    Oct 29 2026
    A traxedia ferroviaria rexistrada en Toledo, que deixa xa 69 persoas falecidas, marca a actualidade deste informativo e condiciona tamén a vida pública e cultural da Estrada. O municipio sumouse aos tres días de loito oficial cun minuto de silencio en memoria das vítimas e coas bandeiras da praza do Concello a media hasta. Ademais, o goberno local decidiu adiar os actos culturais previstos para esta fin de semana. No repaso da actualidade local, informamos da recepción das obras de mellora do punto limpo, dos tres cortes no subministro eléctrico rexistrados no municipio e da denuncia presentada polo párroco José Antonio Ortigueira tras sufrir unha suplantación de identidade a través do seu número de teléfono. Tamén falamos da charla organizada pola Garda Civil en Codeseda para previr estafas e roubos, das críticas do BNG á proliferación de proxectos eólicos na Estrada e dunha conferencia da Asociación Española Contra o Cancro sobre o apoio ás familias. Ademais, a ACOE mantén parte da súa programación de Samaín. Nas comarcas, repasamos os avances de Ames e Teo en administración electrónica e a homenaxe de Valga a Manuel López Castro e Pepe Potel, que darán nome a dúas salas do Auditorio Municipal. E na información deportiva, coñecemos os últimos retos do culturista estradense Miguel Pereira Pola, que afronta a súa derradeira competición mundial tras unha brillante carreira, e falamos da participación de cinco atletas estradenses nunha cita en Lugo na que competirán con deportistas olímpicos e medallistas internacionais.
    Mostra di più Mostra meno
    37 min
  • Informativos Radio Estrada

    Informativos Radio Estrada
    Oct 28 2026
    Neste informativo damos conta do grave accidente ferroviario rexistrado esta mañá na provincia de Toledo, no que perderon a vida polo menos 50 persoas e máis de 179 resultaron feridas tras a colisión entre dous trens de alta velocidade. Repasamos tamén as reaccións institucionais, coa cancelación de axendas oficiais por parte de distintas administracións e a convocatoria dun minuto de silencio ás 20:00 horas diante dos concellos, á que se suma o Concello da Estrada. Ademais, nos titulares locais falamos da sinalización e acondicionamento de tres rutas das fervenzas impulsadas polo Concello e Mar de Compostela, das alegacións contra os proxectos eólicos que afectan A Estrada, Cuntis e Campo Lameiro, da comisión sobre o 25N, da convocatoria urxente para abordar a memoria democrática e do sorteo das mesas electorais previsto para o próximo 2 de novembro. Tamén informamos da reunión entre Codeseda Viva e o alcalde para analizar a situación do Camiño da Geira e dos Arrieiros, da recuperación dos xogos tradicionais en Berres con motivo do 150 aniversario de Manuel García Barros e da intensa actividade nas floristerías estradenses ante a celebración do Día de Defuntos. Na información comarcal repasamos o accidente de tráfico rexistrado na estrada entre A Bandeira e Merza e a evolución da investigación da pelexa ocorrida en Lalín. E no bloque deportivo, achegámonos á participación de cinco atletas estradenses no Optimilk Cross Nacional Ponte Romana de Lugo.
    Mostra di più Mostra meno
    32 min
  • Informativos Radio Estrada

    Informativos Radio Estrada
    Oct 27 2026
    No informativo de hoxe falamos da rápida intervención dos servizos de emerxencias para extinguir un incendio nunha vivenda da avenida de Pontevedra. Ademais, veciños de Tabeirós denuncian o roubo de cable de cobre nas farolas públicas de Rebordelo, mentres que a Policía Local da Estrada alerta dun novo método de roubo en aparcadoiros baseado no engano das moedas. Repasamos tamén o inicio dun novo plan de asfaltados no rural estradense, cun investimento superior ós tres millóns de euros, e as novidades do Nadal na Estrada, que contará con máis de medio millón de luces LED e unha gran árbore de 22 metros na Praza de Galicia. Completa a actualidade local o anuncio das podas previstas nas principais rúas do municipio. No ámbito económico, achegamos toda a información sobre a nova edición do Bono Activa Comercio, que poderá descargarse desde este mércores con descontos de ata 15 euros por compra. Tamén destacamos o recoñecemento acadado por Xián Sánchez, alumno do IES Antón Losada Diéguez, galardoado cun premio de 1.000 euros polo seu excelente rendemento académico na ESO. Nas comarcas, Lalín rexistra o primeiro detido relacionado coa multitudinaria pelexa nocturna, e Silleda retoma os traballos de mellora dos camiños rurais con maquinaria da Mancomunidade e medios propios. ⚽ Na información deportiva, coñecemos a participación estradense no Chatarra Raid, unha aventura solidaria de cinco etapas na que equipos locais competirán con vehículos clásicos combinando deporte, solidariedade e superación.
    Mostra di più Mostra meno
    35 min
  • Informativos Radio Estrada

    Informativos Radio Estrada
    Oct 26 2026
    No informativo de hoxe abrimos cunha homenaxe á memoria de Francisca Andújar, alma do histórico restaurante Os Peares e referente da hostalaría estradense, falecida aos 92 anos tras unha vida dedicada ao traballo, á cociña e á súa vila. Ademais, repasamos a actualidade local cun avance dos titulares máis destacados: o xuízo por narcotráfico e branqueo que sentará no banco a catro familiares do principal acusado, a incorporación dun novo camión eléctrico para reforzar a recollida do colector marrón, os preparativos do Nadal 2026, a convocatoria de exames para dúas prazas de persoal interino, os futuros obradoiros sobre saúde mental e benestar emocional, e as propostas do PSOE e do BNG en materia de seguridade viaria e infraestruturas. Tamén falamos da iniciativa de Cáritas A Estrada para conectar demandantes de emprego con empresas e particulares que precisan contratar persoal. Nas comarcas, contamos a investigación dunha liorta multitudinaria no centro de Lalín, a renovación da directiva de Terras de Compostela en Vedra e o proxecto de Valga para construír unha residencia de maiores con 150 prazas. E nos deportes, analizamos a remontada do Estradense fronte ao Viveiro, o liderado do Praíña Sporting Club, os resultados dos equipos da comarca, a contundente vitoria do A Estrada Futsal, a entrevista con Iziar Barcala tras unha tempada histórica e o novo éxito de Carla Pintor no Campionato de España sub-20 de clubs.
    Mostra di più Mostra meno
    44 min
  • Informativos Radio Estrada

    Informativos Radio Estrada
    Oct 23 2026
    Esta fin de semana o reloxo atrasa unha hora e con ese cambio ao horario de inverno abre un novo informativo de Radio Estrada. Na actualidade local, analizamos a declaración de impacto ambiental negativa para cinco parques eólicos que afectaban ao rural estradense e facemos un repaso á ampla programación do Samaín, que este ano medra con oito propostas repartidas entre a vila e as parroquias. Tamén abordamos a denuncia do PSOE da Estrada pola ausencia de fondos da Xunta para a ampliación do Polígono Industrial de Toedo nos orzamentos de 2027, o inicio do ciclo de teatro do 25-N coa representación de A voz de Virxinia, a presentación en San Xulián de Vea do libro dedicado ao sacerdote Xesús Mayo e a homenaxe a toda unha traxectoria educativa co anuncio da xubilación de Xosé Manuel Reboredo, director do colexio de Figueiroa. No apartado festivo e cultural falamos da irmandade entre a Festa do Salmón e o festival Pasabodeghas de Sarandón, da intensa axenda de teatro, contos e humor prevista para a fin de semana, da primeira ruta cabalar de Arnois e do magosto de Ribela, que contará con máis de vinte variedades de pinchos e animación musical. Nas comarcas, Lalín prepara a chegada do primeiro helicóptero Black Hawk de Europa destinado á loita contra os incendios forestais, Vedra licita de novo a reforma do seu centro de saúde e Cuntis impulsa novas medidas de prevención do consumo de alcohol entre a mocidade. A información deportiva leva o protagonismo do CD Estradense, que recibirá ao Viveiro no Manuel Regueiro por mor das obras do Novo Municipal. Ademais, coñecemos a aventura de dous primos estradenses que participarán no Chatarra Raid cun Mercedes de 1981, falamos da clasificación de Carla Pintor para o Campionato de España de clubs sub-20 e da cita de raid hípico que converterá A Estrada nun referente para os afeccionados a esta disciplina.
    Mostra di più Mostra meno
    37 min
  • Informativos Radio Estrada

    Informativos Radio Estrada
    Oct 22 2026
    Neste informativo abrimos cun balance dos investimentos da Xunta, que reserva preto de 21 millóns de euros para A Estrada e sitúa o investimento por habitante da comarca por riba dos 4.500 euros. Falamos tamén da polémica arredor da gasolineira proxectada na Baiuca. A asociación A Galiña Azul reclama unha ampliación do prazo de alegacións, mentres que o BNG reuniu á veciñanza nunha concentración de protesta contra esta iniciativa. Ademais, achegámonos á preocupación da asociación ALERTA Terra de Montes polos novos proxectos eólicos e pola liña de alta tensión prevista na contorna do Monte Cabalar. No ámbito feiral, coñecemos os detalles da unión da Feira de Antigüidades e do Salón Motor Classic, unha cita que converterá A Estrada nun referente para coleccionistas e afeccionados ao motor clásico. Tamén repasamos os galardóns dos Premios San Martiño 2026, que distinguirán á Asociación Cultural Coto Manguelo, á Agrupación Leilía e a e-Ferro. A cultura será protagonista coa presentación do festival Lume na Lareira, previsto para o 14 de novembro, e co inicio do ciclo de teatro organizado polo Concello con motivo do 25-N, destinado á sensibilización contra a violencia machista. Pechamos a información local coa presentación da gala solidaria Papá Noel da Fundación Andrea, que se celebrará o vindeiro 20 de decembro. Nas comarcas, destacamos a bonificación do 95% do imposto de obras para mozas e mozos menores de 40 anos en Lalín, a recuperación da Senda dos Pescadores do río Almofrei en Cerdedo-Cotobade e os investimentos de Valga para mellorar o polígono industrial de Campaña.
    Mostra di più Mostra meno
    36 min
  • Informativos Radio Estrada

    Informativos Radio Estrada
    Oct 21 2026
    No informativo de hoxe repasamos a actualidade da Estrada e da súa contorna. Abrimos coa colisión entre dous vehículos na avenida Benito Vigo, un accidente que se saldou co traslado dun dos condutores ao centro de saúde. Ademais, o Tribunal Superior de Xustiza de Galicia ratifica a condena dun ano de cárcere por acoso machista nun caso instruído nos xulgados estradenses. Tamén abordamos as novidades sobre o médico do PAC da Estrada, que queda en liberdade con medidas cautelares mentres continúa a investigación xudicial. No ámbito cultural, o Concello entregou o Premio Alberte Quiñoi ás autoras de Paio e o Gatipedro. Falamos igualmente do comezo das obras de reasfaltado da PO-213, dos cortes de tráfico previstos, da organización do acendido do Nadal estradense e da visita institucional do delegado da Xunta á empresa Hierros Diego. Informamos ademais do inicio das inspeccións da ITV móbil, das alegacións ao proxecto da gasolineira da Baiuca e da concentración convocada polo BNG contra a súa instalación. Completan os contidos a presentación dun libro sobre o legado de Jesús Mayo Brenlla, a nova cita solidaria da Fundación Andrea para o Nadal e toda a actualidade comarcal, con protagonismo para as reivindicacións sanitarias en Cuntis, o novo itinerario seguro cara ao límite coa Estrada e a entrega das Bandeiras Verdes de Galicia en Vedra. No bloque deportivo destacamos a sétima posición de Andrea Alende na Supercopa de España cadete de judo e a celebración esta fin de semana dun raid hípico que converterá A Estrada nun referente para os afeccionados desta disciplina.
    Mostra di più Mostra meno
    35 min